| 
| 
Litbolti (Paintball) í hæðsta gæðaflokki
Litbolti (Paintball) er skemmtilegur leikur fyrir alla og einstaklega fjörug leið til að byggja upp liðsheild og efla liðsandann. Spilaðir eru skemmtilegir leikir á stórum útivöllum og hópar vinna saman sem ein heild við að leysa auðveldar þrautir. Ærslagangur í bland við einfalda keppni er hin fullkomna uppskrift að góðum degi.
Í Skemmtigarðinum er boðið upp á leiki á fjórum mismunandi ævintýravöllum:
World War II
Frumskógarvöllurinn
Keflavöllurinn
Villta vestrið
Hópferð í litbolta er ferð sem enginn gleymir.
Fyrirkomulag
Hópstjórar taka á móti ykkar hópi, skipta honum upp í lið og setja upp þá leiki sem henta og óskað er eftir. Við höldum þétt utan um hópinn frá upphafi til enda.
Spilaðir eru leikir á borð við:
Kill the Captain
Enemy Flag
Elimination
Rob the Bank
Treasure Hunt
Í litbolta reynir á rökhugsun, snögga ákvarðanatöku, traust, samvinnu og forystuhæfni til að ná settu marki. Í upphafi er farið yfir hvern leik og hann útskýrður fyrir leikmönnum. Spiluð eru nokkur mismunandi leikkerfi og leystar þrautir, t.d. að ná fána og koma honum upp á sem stystum tíma.
Litbolti þykir henta vel sem hluti af hópefli fyrirtækja og hópa sem vinna saman að markmiðum undir öðrum kringumstæðum en á vinnustað.
Litboltarnir sem við notum eru úr sama efni og Gúmmíbirnir (samt ekki jafn bragðgóðir!)
