Myndir |
Hefur þú prófað að skjóta af boga?
Þá er Archery Tag eitthvað fyrir þig! Það nýjasta í hópatengdum afþreyingum hjá Skemmtigarðinum er Archery Tag þar sem þú færð boga, örvar og viðeigandi hlífðarbúnað og ferð svo inn á vígvöllinn með þínu liði og skýtur á andstæðinga þína – allt hættulaust að sjálfsögðu. Frábært sport fyrir vinahópinn, gæsanir, steggjanir, fyrirtækjahópa og jafnvel fjölskylduna Settu á þig hlífðargrímuna og hlauptu svo inn á vígvöllinn þegar tíminn er settur á stað og náðu í þinn boga. Feldu þig næst á bakvið stóra en mjúka veggi vígvallarins og byrjaðu að skjóta andstæðinginn. Hvernig fer leikurinn fram? Við spilum tvær tegundir af leikjum: Stigaleik eða Útsláttarleik. Í báðum tilvikum er skipt í tvö lið sem keppa á móti hvor öðrum. Hvert lið þarf að innihalda að minnsta kosti fimm manns. Útsláttarleikurinn er þannig að ef þú færð ör í þig ertu úr leik. Hægt er svo að frelsa þá sem skotnir hafa verið út með því að grípa örvar andstæðingsins eða með því að fella niður punkta andstæðinganna á svarthvítri skífu þeirra sem staðsett er við miðju leikvallarins. Það lið sem nær að fella alla andstæðinga úr leik vinnur. Stigaleikur snýst um að safna stigum, ef þú hittir einhvern með ör færðu eitt stig, ef þú fellir niður punkta í skífu andstæðinganna færðu tvö stig, ef þú grípur ör andstæðingsins færðu 3 stig. Hægt er að frelsa liðsfélaga með því að grípa ör andstæðings. Öryggi Hlífðargríma er það eina sem þú þarft að nota í Archery Tag en púðarnir framan á örvunum gera þær skaðlausar. Í Archery Tag getur þú kynnst bogfimi á öruggan, skemmtilegan og einstakan hátt. Við þurfum að taka fram að allar utanaðkomandi veitingar eru ekki leyfðar í Skemmtigarðinum. Hægt er að kaupa veitingar á staðnum. |
Bókaðu hér
Loading...
